81 молитва на быструю помощь

веки. Аминь.

Молитва от посягательства бандитов праведному Иосифу Обручнику

О святый праведный Иосифе! Ты еще на земли быв,  О великое имел  ты дерзновение к  Сыну Божию, Иже благоизволи  именовати тя  отцем Своим, яко обруче-ника Своея Матере, и  послушати тя; веруем, яко  ныне с лики  праведных во обителех  небесных водворяяся,  услышан будеши во всяком  твоем прошении к Богу и  Спасителю нашему. Тем же, ко  твоему покрову и заступлению прибегающе,  смиренно молим тя: как сам от бури  сомнительных помышлений избавлен был ты, так избави и нас,  волнами смущений и страстей обуреваемых;

как ограждал ты  Всенепорочную Деву от  клеветы человеческия, огради и нас такоже от всякия  клеветы напрасныя; как хранил ты от всякаго вреда и озлобления Воплотившагося Господа, так сохраняй  твоим заступлением Церковь Его Православную и всех нас от всякаго озлобления и вреда. Веси,  святче Божий, яко и  Сын Божий во днех плоти Своея в  телесных потребах нужду имеяше, и ты послужил им; того ради  молим тя, и  нашим временным нуждам благопоспеши  твоим ходатайством, подая нам вся благая, в житии сем потребная.  Изряднее же просим тя, исходатайствуй нам оставление грехов прияти от  нареченнаго ти Сына,  Единороднаго же Сына Божия, Господа  нашего Иисуса Христа, и достойны быти наследия Царства  Небеснаго нас предстателъством  твоим сотвори, да и  мы, в горних селениих с тобою  водворяющеся, прославим  Единаго Триипостаснаго Бога, Отца и Сына и  Святаго Духа, ныне и во веки веков. Аминь.

Молитва от нарушителей обещаний и договоров святому мученику Полиевкту

Святый мучениче Полиевкте! Призри с небеснаго чертога на требующих  твоея помощи и не  отвергни прошений наших, но, яко  присный благодетель и ходатай наш, моли Христа Бога, да, человеколюбив и многомилостив быв, сохранит нас от всякаго лю-таго обстояния: от труса, потопа, огня, меча, нашествия  иноплеменников и междоусобныя брани. Да не осудит нас  грешных по  беззакониям нашим, и да не во зло обратим благая, даруемая нам от  Всещед-раго Бога, но во славу святаго имене Его и в прославление крепкаго  твоего заступления. Да  молитвами твоими даст нам Господь мир  помыслов, воздержание от пагубных страстей и от всякия  скверны и да укрепит во всем мире Свою Едину  Святую, Соборную и Апостольскую  Церковь, ибо стяжал есть  честною Своею Кровию. Моли прилежно,  святый мучениче. Да благословит Христос Бог  державу Российскую, да  утвердит во Святей Своей Православней Церкви жи- вый дух правыя веры и благочестия, да вси члены ея, чистии от  суемудрия и суеверия, духом и истиною покланяются  Ему и усердно пекутся о соблюдении Его  заповедей, да мы вси в мире и благочестии  поживем в настоящем  веце и достигнем блаженныя вечныя жизни на небеси, благодатию Господа  нашего Иисуса Христа, Емуже подобает всякая слава честь и  держава со  Отцем и Святым Духом, ныне и присно и  во веки веков. Аминь.

Молитвы,